مشاط الزهرة

يقدم لكم موقع اكلات وحلويات سهلة وسريعة طريقة عمل مشاط الزهرة

المقادير ::

ـراس زهرة متوسط
ـ 4 بيضات
ـ كوب ونص دقيق
ـ بصلة كبيرة مفرومة ناعم
ـ سنين ثوم مهروسين
ـ بقدونس مفروم
ـ ملعقة صغيرة كمون
ـ ملعقة ونصف كبيرة بكنغ باودر او نص ملعقة صغيرة كربونات
ـ ملعقة صغيرة ملح
ـ ملعقة كبيرة سكر
ـ ربع كوب زيت زيتون

طريقة التحضير ::

ــــ قومي بتقسيم الزهرة بشكل زهرات صغيرة نضعها في طنجرة على النار لتنسلق مع الانتباه انه ما تستوي كتير .

ــــ في جاط نضع البصل والثوم والبقدونس والبيض والملح والكمون والبكنغ باودر والسكر والزيت ..ونخلطهم جيداً ثم نضيف كوب ونص طحين وونصف كوب ماء و نحرك جيداً حتى يمتزجوا جيداً
ننشل الزهرة من الماء ونضيفها للخليط ونحرك بخفة .

ــ طريقة الطهي عادة بكون بقليهم في زيت غزير ولكن رح نحضرهم اليوم بطريقتين

ــ الطريقة الاولى بالخبز
قومي باحضار صينية الكب كيك بندهنها زيت زيتون وبنحط لحد النص من الخليط وبنحطها في فرن حامي 220 مئوي .
حتى ينضج بده حوالي ربع ساعة او حتى يتحمر

ــ الطريقة الثانية

نقليهم بقلاية غير لاصقة مثل ما ينقلي البان كيك ..بندهن القلاية بالقليل من الزيت ونسكب قدر مغرفة صغيرة نفرد ما سكبنا نتركه لدقيقتين ثم نقلبه ..وهكذا حتى تنتهي الكمية ..
الطريقتين طعمهم خفيف جداً لكن لقيت الي مخبوز ازكى .